• Lengd og breidd mega vera í gráður/mín/sek (t.d. 64/07/41) eða gráður + tugabrot (t.d. 64.128))

Fyrir staðsetningar erlendis þarf að velja frávik frá meðaltíma í Greenwich, þ.e. klst frá GMT (sjá t.d. þetta kort). Einnig þarf að tiltaka hvort notast er við sumartíma og vetrartíma á þessum stað.

Útskýringar á liðum

• Tímajöfnuður (á ensku equation of time) er stjarnfræðilegt heiti yfir þá mismuninn á sönnum sóltíma og meðaltíma (sem venjulegar klukkur sína). Um þetta má lesa í ágætri grein á vísindavef Háskóla Íslands.
• Miðbaugsbreidd (á ensku solar declination) hvers dags er jöfn þeirri breiddargráðu þar sem hádegisstaða sólar er 90°. Þar varpar lóðrétt stöng engum skugga á hádegi. Vegna möndulhalla jarðar breytist þessi stærð frá því að vera rúmlega 23° á sumarsólstöðum í 0° á jafndægrum og í -23° á vetrarsólstöðum.Um þetta má lesa í nokkrum greinum á vísindavef Háskóla Íslands.
• Sólarupprás og sólsetur Þær tímasetningar sem reiknaðar eru hér taka ekki tillit til landslags nærri uppgefinni hnattstöðu (t.d. fjalls í austurátt). Hinsvegar er reynt að meta áhrif ljósbrots í andrúmslofti, en þau áhrif lengja daginn um nokkrar mínútur.
• Hádegisstaða sólar Er sá tími þegar sólinn gengur yfir lengdarbaug valinnar staðsetningar. Á þessum tíma fellur skuggi af lóðréttri stöng í hánorður (fyrir norðan miðbaugsbreidd) en suður fyrir sunnan miðbaugsbreidd.
• Staðartími er gefin upp á tólf tíma formi og tiltekið hvort um fyrir hádegi (FH) eða eftir hádegi (EH) er að ræða. Ef sólarupprás og sólarlag lendir ekki á sama degi kemur það fram í staðartíma.
• UTC (á ensku Universal Time Coordinated) er alþjóðlegur tímastaðall sem kemur í stað meðaltíma í Greenwich (GMT). Þessi staðall notar tuttugu og fjögurra tíma form fyrir klukkutíma (t.d. 23:44:16).

Fyrir staðsetningar norðan norðurheimskautsbaugs, eða sunnan suðurheimskautbaugs geta sólarupprás og sólarlag lent á öðrum degi þegar valinn tími er nægilega nærri sólstöðum. Í því tilviki bætist dagsetning inn í viðkomandi dálka. Einnig getur hádegisstaða sólar verið óreiknanleg (N/A) á vetrarhveli fyrir þessar staðsetningar, ef sólin kemur ekki upp á þeim degi sem valinn er.

Milli 72° N og S er nákvæmni útreikninganna um ein mínútna, utan þessara breiddargráða getur skekkjan verið allt að 10 mínútur.